Túnin

Grasfræblanda – Beit og heyfengur 15kg

Söluhæsta grasfræblandan okkar undanfarin ár. Gefur góða beit og slátt með góðu fóðurgildi. Vallarfoxgras, sem er uppistaðan í blöndunni, er uppskerumikið en ekki skriðult. Vallarsveifgras er skriðul jurt, sem fyllir upp í opinn svörð og hóf- eða klaufaför eftir ágang og beit.

Sáðmagn: 25-30 kg/ha.

Grasfræblanda – Heyfengur 15 kg 

Eins og nafnið bendir til er þetta uppskerumikil blanda með 35% innihald af hávingli. Hávingull er uppskerumikið yrki og gefur góðan endurvöxt, ásamt úrvals vallarfoxyrkjum. Góður endurvöxtur sem gefur góðan seinni slátt.

Sáðmagn 25-30 kg/ha.

Hentar fyrir flesta húsgarða.

Grasfræ fyrir garðflatir

Blandan hentar vel í flesta húsgarða. Blandan þolir vel snöggan  slátt. Til að viðhalda  fínleikanum er mikilvægt að  garðurinn fari ekki loðinn undir vetur. Gott getur verið  að  sá yfir á vorin til að viðhalda þéttri og þolinni gróðurþekju. Ráðlagt sáðmagn er um 1–2 kg/100 m2 allt eftir þéttleika.

Fræin eru húðuð með nauðsynlegum náttúrulegum plöntuhormónum og smá köfnunarefni. Við það fellur fræið vel niður ásamt því að fjúka ekki í rokinu. Plöntuhormónarnir og köfnunarefnið hjálpa vel við að láta grasið spíra mun fljótar.