Græðir
Hágæða áburður - sniðinn að íslenskum jarðvegi
Skoða verðskrá
Flettu í gegnum verðskrána eða sæktu hana í rafrænu formi til prentunnar
Áburðarsölumenn
Upplýsingar um áburðarsölumenn okkar og endursöluaðila
Upplýsingar
Upplýsingar og algengar spurningar um Græði áburð
Græðir Áburður
GRÆÐIR áburður er þróaður með þarfir íslensks landbúnaðar að leiðarljósi og byggir á áratugalangri reynslu og samvinnu við bændur um allt land. Áherslan er á hámarks nýtingu næringarefna, betri uppskeru og jarðveg sem stendur undir stöðugri og sjálfbærri ræktun.
Vörulínan samanstendur af fjölbreyttum lausnum sem henta mismunandi jarðvegs- og ræktunarskilyrðum. Flestar tegundirnar eru einkorna, sem tryggir jafna dreifingu og áreiðanlega upptöku næringarefna.
Allur áburður er framleiddur samkvæmt ströngum gæðastöðlum. Einsleit korn og húðun sem bætir flæði og dregur úr samloðun gera áburðinn auðveldan í meðhöndlun og tryggja stöðuga dreifingu við íslenskar aðstæður.
Frí heimkeyrsla er í boði ef pantað er 6 tonn eða meira fyrir 20. janúar 2026.
Hafið samband við sölumenn fyrir nánari upplýsingar og verðtilboð.
Takmarkað framboð og óvissa á mörkuðum
Græðir áburður er í boði í 600 kg stórsekkjum og framboð einstakra tegunda er breytilegt og því er mikilvægt að meta áburðarþörf tímanlega til að tryggja að réttar tegundir séu tiltækar þegar vorverkin hefjast.
Að auki hafa erlendir áburðarmarkaðir að undanförnu einkennst af breyttum forsendum, meðal annars vegna gjaldeyrissveiflna, innleiðingar kolefnisálags (CBAM) í Evrópu og breytinga á alþjóðlegum hráefnamörkuðum. Þessir þættir hafa skapað nokkra óvissu um verð og afhendingarskilmála á komandi tímabili og gera tímanlega pöntun enn mikilvægari.
Því hvetjum við bændur til að tryggja sér áburð fyrr en ella, sérstaklega ef óskað er eftir ákveðnum tegundum eða samsetningum.
Áburðartegundir 2026
Úrval af fjölbreyttum hágæða áburði fyrir íslenskar aðstæður
Áburðarsölumenn
Sölumenn okkar aðstoða þig við val á áburð og magni. Hafðu samband til að panta áburð og fá faglega ráðgjöf