Fóður

Sykurrófukögglar (Speedy Beet) eru trefjaríkt og auðmeltanlegt fóður sem veitir hrossum jafna og langvarandi orku. Það hentar vel sem hluti af daglegri fóðrun og getur stutt við heilbrigða meltingu.

Hátt trefjainnihald getur haft jákvæð áhrif á þarmaflóru. Varan inniheldur aðeins um 5% sykur og er laus við bæði sterkju og melassa. Því hentar hún sérstaklega vel fyrir hross með hófsperru eða EMS, eldri hesta með tannvandamál, hross sem eiga erfitt með að halda holdum, keppnishross sem þurfa hægvirka orku og einnig fyrir vandláta hesta.

Í Sykurrófukögglum er hátt hlutfall af leysanlegum trefjum, aðallega pektínum, sem gerir trefjarnar auðmeltanlegri en þær sem finnast í gróffóðri. Þetta gerir vöruna að frábærri uppsprettu hægvirkrar orku sem gerir hestinn ekki æstan eða “heitan”.

Mikilvægt
Aldrei má gefa vöruna þurra. Nauðsynlegt er að leggja hana í bleyti fyrir notkun þar sem sykur­rófuflögurnar þenjast verulega út. Tryggið að hestar hafi ekki aðgang að þurru fóðri, þar sem það getur valdið alvarlegum skaða.